-Perché, signora, - mi è stato chiesto –
perché i Bresciani rifiutano il dialetto
così colorito e bello ?-
Siura!
Parlà ‘n dialèt l’è bel -el so a mé -
per chèi che g’ha stüdiàt,
ah…chèi i se ‘l mèt, el dialèt,
come ‘n anèl al dit,
e…se’l va strèt,
l’è assé chissà en butù
e...via...co l’etimologia
e l’indagine lessicale
e divagazioni sull’origine celtica
e la forma latina simul ac
che diventa il bresciano sömelèc…
Ma chèi che j è nassicc en dialèt
polenta e dialèt
stala e dialèt
miniera e dialèt;
chèi che j è dientacc ross
deanti a la maestra dei so fiöi
ross deanti al pret e a l’aocàt
chei che j è dientacc ross
nel dì al dutur che j ghia i baligurdù
chèi lé j s’è stöfacc
e ai so fiöi j g’ha ‘nsegnat
a parlà come se g’ha de parlà
per mìa resta murtificacc.
E issé bèl bèl, co le so ma gaiarde,
el dialèt, a belazine, j l’ha copàt.